ابوذيات فوق الروعه والجمال

السلامـ عليكمـ


يروحي انتي التحبينا ولج مات
شبعتي جروح من حبة ولجمات
مامات الكلب بس لجلج ولج مات
شهيد ويحق لطمج علية



انة الشديت جرحك ليش حليت
وعلي حلة الطلاب حليت
ذكرتك بمتحان وغلط حليت
شجاوب وانتة شاغل حتى ادية



يغالي الدهر بجفاكم بلانه
وقـدر مكتوب من الله بلانه
شلون اتنام يالغالي بلانه
واحنة سنين عشرتنة سوية



صرت مرهون حبك وانت راهن
وعليه ايام هجرك ون تراهن
تجي مره انتواجه وانتراهن
منو الاكثر يحب ويود اخيه



اطلع من جفن عينك وارد بيك
واشتم عطر من خدك ورد بيك
صرت مثل لقصيده انت ورد بيك
وصرت انت النبض والروح بيه



صحيح بعيد بس كلبي شعر بيك
حزين وباقي بس يكتب شعر بيك
عجيبه اشلون ضل اسود شعر بيك
وانه بفركاك ماضل شعر بيه



حزن دنياي تمطر ماصحتلي
وردت بس فرصه اشوفك ماصحتلي
وكفت اكبال عينك ماصحتلي
وصحتلك مادرت وجهك عليه



وكع كلبي بغرامك ما تشيله
وترى قلبي ألتعذب متشيلة
اخابر وانت تسمع ماتشيله
وينك ياحلو بس رد علية



شبدينه عل النحبه ما يحبنه
مثل سمج طبعـه ما يحبنه
بارد يلتشربـــــه ماي حبنه
وشربت يلكلت مالح شويه



مدري العيب عندك مدري عندي
مدري غلط عدك مدري عدي
مدري اوكف وطالب مدري اعدي
واكولن ينصلح ويرد اليه



تشك بية عمت عيني لاجلهة
كطعت الزاد والنومة لاجلهة
اكص لساني وايدي لجلهة
اذا فكر بيوم يحب عليه



يـا دكتور جــس نبضي شمالــي
أو بعد يمناي ما توصل شمالـي
أني الي جنـت غربــي شمالــي
صرت شرجي اوعلى الاوادم أاذيه



محبتكم علينا هاي نعمة...
وبعدكم مانشوف الزاد نعمة...
أكو أغنيه بشريط حسين نعمة....
كافي من البعد حنو عليه....



بنات الهوه ابشوكك كلمني

زهن لي وابسحرهن كلمني

مو منهن عذابي كلمني

اشلون ارضه الهوه حكم عليه



صحيح بنات الشوكك كلمنك

او عذاب الصاب كلبك كلمنك

انته التعنيت الهوه كلمنك

شجاك اتهفه ابنظره عاطفيه