اقدملكم قصيدة ملغمة بالتحشيش اهدا لسعد امين ولكل الاعضاء قصيدة (دعاية)
عمت عيني على ولفي الماهو جاني
لا اني مسوي ذنب وكلشي ما جاني
صبرت ومن الصبر صاح الصبر مليت
ولا سمعتك كلمة ندم ولا منك شكيت
صرت مثل الذيب طلعاتي بس بالليل
لا اني اشوفن بشر ولا انسمع من اصيح الويل
اجاني من الصبح شايل الجنطة
البوز بوز حصان و مشية البطة
كابلتة وجه بوجه وصحت مفكور
افلت اني من طرمبة يطلعلي زاكور
ذبيت الكتب وصحت راجع
وسجلني هروب وبعدني ما طالع
ليش هيجي شمسوي يا ابو اللوب
بعدني واكف يمك تسجلني هروب
طلعت وركبت الفورت الباب المعظم
شفت ناس هوسة وناس بسرة منظم
كات خلي اوكف بلكن احصل شي
طلعو ديلمون هويات واخيكم مشايل شي
كمشني وصاح وين دفتر الخدمة
كتلة لاشايل هوية ولا فلس وبطرك هالهدمة
كلي اصعد اليوم الحلكك اشكة
مبين عليك افرار لو مسويلك دكة
صحت يا ناس احد يخابر هلي
كلولهم الشرطة كمشو ابنكم علي
وفزيت وطلع كل هذا حلم
والصوج مني نمت كبل الفلم
تحياتي..
الخميس مارس 25, 2010 1:18 pm
